Dagur eitt...punktur....

Heimur versnandi fer, en breskir fjölmiðlar halda ávallt í hinn víðfræga, þurra og fágaða húmor sem einkennir hina megnu ensku þjóð:

Wayne's Word: Rooney signs £5m deal to write five books

So look forward to chapter one, beginning: "My name is Wayne and I like football and chips. And football. And chips. And beans sometimes."

And chapter 12, beginning: "My name is Wayne and I like football and chips and Ferraris. And Cheshire. Which I've just bought."

(innskot Hauksins.....HAHAHAHAHAHA)

Haukurinn hló sig nánast máttlausann! Heimsins elsti táningur skrifar, og Haukurinn endurtekur fyrir þá sem ekki náðu því 'skrifar', ævisögu sína. Fyrsta bókin á að fjalla um árin frá eins árs afmælinu fram að tímanum eftir heimsmeistaramótið 2002. Verður eflaust æsispennandi lesning, líkt og sjálfsævisaga Britney Spears og David 'ég ræð ekki við 6 ára stærðfræði' Beckham. Ætli geimverutrúarhnetan Tom Cruise sé farinn að skipuleggja sjálfsævisögu ófædds barns síns? Stundi astralferðalög inn í legið á Dawsons Creek?

Þetta lið er alveg magnað.

Haukurinn hefur talað!

"I just want you to know that, when we talk about war, we're really talking about peace." — George H.W. Bush, Washington, D.C. June 18, 2002

Haukurinn er kátur. Heimurinn virðist vera að ná sér aftur eftir að danskar teiknimyndir höfðu hleypt öllu í bál og brand - eða allavega danskir fjölmiðlar. Danir eru aftur farnir að einblína á íslensku fjármálainnrásina og hvaða áhrif hún muni hafa á danskt og íslenskt efnahagslíf. Fjármálablaðið Børsen birtir reglulega greinar um íslensk uppkaup og er þar einatt rætt um það hversu skeytingarlausir íslenskir fjárfestar og bankar virðast vera um möguleg vankvæði við þessa miklu útrás íslenskra fyrirtækja.

Í síðasta tölublaði eyddu skríbentar Børsen miklu púðri í að útskýra hvernig hinar frægu "Group" samsteypur eru uppbyggðar - og var þar engu orði eytt í Haukurinn Group, Hauknum til mikillar mæðu. Það sem einkennir þessa útrás og miklu fjárfestingar, og það sem stingur mest í augu danskra fjármálaspekúlanta, er hversu mikinn þátt íslensku bankarnir (einkum Íslandsbanki, Landsbankinn og Kaupþing) eiga í öllu saman. Haukurinn er að vissu leyti sammála, þ.e. það gæti skapað vandamál síðar meir að leggja öll sín egg í eina og sömu körfuna. Haukurinn sér fyrir sér spilaborg sem stendur á þremur undirstöðum, og því þeim mun viðkvæmari gagnvart utanaðkomandi vankvæðum. Enn, líkt og Haukurinn ritaði síðast, þá flýgur býflugan þó að hún eigi ekki að geta það - en menn muna samt ennþá eftir internetbólunni í lok síðustu aldar.

Jæja, þetta var frekar þurrt blogg. Verði þeim að góðu sem nutu.

Haukurinn hefur talað!

P.s. Haukurinn klukkar ekki, stelpur klukka, lúftgítar! Heyrirðu það kerla!