Ja, det var det....næsten gratis...!

Haukurinn gengur með snilldarhugmynd í maganum. Haukurinn hyggst útlista téða hugmynd í eftirfarandi beiðnarbréfi:

Kæru Jón Ásgeir og Gunnar Smári,

þar sem Haukurinn er orðinn velþekktur skríbent hér í danmörku þá fer hann þess á leit við stórfjölmiðla samsteypu yðar að hún hefji og styrki danska útgáfu Hauksins sem myndi birtast dönum aðra hverja viku. Haukurinn myndi gæta þess að særa eigi blygðunarkennd flestra, þó svo hann geti engu lofað um þá dani er aðhyllast múslimstrú. Hann myndi koma með kómískar vangaveltur um lífið í danmörku og hvað þeir gjöra sér til dægrastyttingar. Haukurinn þarf ekki agalega mikið fjármagn, en þó nóg til þess að opna vefsvæðið www.haukurinn.net og til þess að sjá skríbentum vefsíðunnar (aðallega Hauknum sjálfum) fyrir miði (öl - fyrir þá sem hvá við)og pylsum.

Virðingarfyllst,

Haukurinn

Haukurinn vonar að ofanritað bréf verði til þess að Haukurinn geti vaxið og aukið dreifingu Hauksins.

Haukurinn hefur talað!

P.s. Sem dæmi um dönskuhæfileika Hauksins er eftirfarandi:

Der bor en bager på Nørregade. Han bager kringler og julekager. Jeg er en kuglepen. Det kan han sku!